29 жніўня ва ўрочышчы Бахмат адбылося ўрачыстае шанаванне хлебаробаў-тысячнікаў УП «Палессе-Аграінвест». Як заўсёды, мерапрыемства адбылося шыкоўнае: з песнямі, пачастункамі, уручэннем грамат і прэмій.
Ва ўрачыстай цырымоніі прынялі ўдзел прадстаўнікі Мазырскага нафтаперапрацоўчага завода, першы сакратар райкама ГА БРСМ Дар’я Туравец, дырэкцыя УП «Палессе-Аграінвест» на чале з кіраўніком гэтага сельгаспрадпрыемства Міхаілам Капінскім.