За званне мацнейшых змагаліся 17 каманд вобласці, больш 250 удзельнікаў.
Наш раён на турыстычных
спаборніцтвах прадстаўлялі навучэнцы Капаткевіцкага цэнтра творчасці дзяцей і
моладзі, кіраўнікі каманды Анатоль Адаміч і Любоў Плыткевіч.
Урачыстае адкрыццё злёту пачалося з мітынгу памяці. Словы пажаданняў юным
турыстам выказалі намеснік дырэктара абласнога цэнтра турызму і краязнаўства
дзяцей і моладзі Вольга Пісарэнка, намеснік старшыні райвыканкама Дзяніс Хулуп
і начальнік аддзела адукацыі, спорту і турызму райвыканкама Святлана Сенька.
Праграма злёту была шырокай і разнастайнай. Каманды паказвалі сваё майстэрства
ў спаборніцтвах па турысцка-прыкладным мнагаборстве, у тэхніцы пешаходнага,
веласіпеднага і воднага турызму, арыентаванні. Свае творчыя здольнасці і яркія
выступленні ўдзельнікі прадэманстравалі ў конкурсных праграмах па прадстаўленні
каманды, турысцкіх газет, краязнаўцаў, бівакоў. Кожная каманда імкнулася
зрабіць свой лагер утульным і камфортным.
Пераможцам у агульнакамандным заліку стала каманда Буда-Кашалёўскага раёна. Другое месца з гонарам занялі нашы землякі. А на трэцім аказаліся прадстаўнікі Жлобінскага раёна. Пераможцы і прызёры злёту ўзнагароджаны медалямі, дыпломамі і каштоўнымі прызамі.
Арганізацыя мерапрыемства патрабавала значных намаганняў многіх арганізацый раёна. Дзякуючы садзейнічанню ў падрыхтоўцы і правядзенні злёту Петрыкаўскага лясгаса, раённага цэнтра гігіены і эпідэміялогіі, райжылкамгаса, ККУП «Петрыкаўкінамір», РК ГА БРСМ, Петрыкаўскай ЦРБ, райаддзелаў надзвычайных сітуацыі і ўнутраных спраў, ТВВод, райспажыўтаварыства, паспяховаму кіраўніцтву мерапрыемствам аддзела адукацыі, спорту і турызму райвыканкама турзлёт атрымаўся яркім і незабыўным.
Ала ПЕТРАВЕЦ,
дырэктар Петрыкаўскага раённага цэнтра турызму і краязнаўства дзяцей і моладзі.