30 кастрычніка, Мінск /Кар. БЕЛТА/. Кіраўнікі органаў дзяржкіравання ў лістападзе правядуць асабістыя прыёмы грамадзян, іх прадстаўнікоў і прадстаўнікоў юрыдычных асоб у Савеце Міністраў, паведамляе БЕЛТА са спасылкай на сайт урада.
Міністр замежных спраў Уладзімір Макей правядзе прыём 1 лістапада, міністр працы і сацыяльнай абароны Ірына Касцевіч - 13 лістапада, міністр адукацыі Ігар Карпенка - 15 лістапада.
На 20 лістапада запланаваны прыём грамадзян міністрам прыродных рэсурсаў і аховы навакольнага асяроддзя Андрэем Худыкам, на 22 лістапада - старшынёй Дзяржаўнага камітэта па навуцы і тэхналогіях Аляксандрам Шуміліным.
Міністр антыманапольнага рэгулявання і гандлю Уладзімір Калтовіч сустрэнецца з грамадзянамі 27 лістапада, міністр сувязі і інфарматызацыі Канстанцін Шульган - 29 лістапада.
Асабістыя прыёмы будуць праходзіць з 10.00 па адрасе вул. Савецкая, 9, пакой 103, кантактныя тэлефоны: 8 (017) 222-63-69, 222-65-09.
Асабісты прыём міністрамі і старшынямі дзяржаўных камітэтаў праводзіцца, як правіла, па папярэднім запісе.-0-