28 кастрычніка 2020
Патрыятызм заўсёды ўзнагароджаны
У Петрыкаўскі раённым выканаўчым камітэце прайшло ўрачыстае ўручэнне узнагарод, грамат і падзяк ад ветэранскай арганізацыі і кіраўніка памежнага камітэта за захаванне святой памяці пра подзвіг і перамогу народа ў Вялікай Айчыннай вайне. З гэтай прыемнай місіяй на Петрыкаўшчыну прыбыла дэлегацыя памежнікаў на чале з начальнікам Мазырскага памежнага атрада палкоўнікам Алегам Эйбатавым.
Нагадаем, з нагоды 75-й гадавіны Перамогі савецкага народа ў Вялікай Айчыннай вайне, ў вёсцы Муляроўка адбылося адкрыццё памятнага знака ў гонар воінаў-памежнікаў 18 Чырванасцяжнага памежнага атрада войскаў Народнага камісарыята ўнутраных спраў 75 стралковай дывізіі і 6 дывізіёна бронецягнікоў.